མདུན་ངོས། • བཀའ་བསྟན། • མཚན་ཉིད། • སྒྲུབ་མཆོད། • གསུང་འབུམ། • ཆོས་འབྱུང་། • སྣ་ཚོགས།

འཛིན་གྲྭ་སོ་སོའི་སྦྱོང་བྱ་ཁག་གི་དཔེ་ཀློག་སྒེའུ་ཁུང་།

དཔེ་ཀློག་སྒེའུ་ཁུང་ངོ་བཤུ་བྱ་ཚུལ།

iframe ཀྱི་ཨང་བརྡ། གཤམ་དུ་བཀོད་པའི་དཔེ་ཀློག་སྒེའུ་ཁུང་གི་ཨང་བརྡ་རྣམས་ངོ་བཤུ་བྱས་ཏེ་སྒེར་དང་ཚོགས་པའི་དྲ་ཚིགས་གང་གི་ནང་བླུག་ཀྱང་དཔེ་ཀློག་སྒེའུ་ཁུང་དེ་ཐད་ཀར་བཀོལ་ཐུབ་པ་ཡིན།

<iframe allowfullscreen src="https://library.bdrc.io/scripts/embed-iframe.html?work=bdr:W1ERI0027002&origin=website.com" width="100%" height="600"></iframe>

དཔེ་ཀློག་སྒེའུ་ཁུང་འདིའི་ངོ་སྤྲོད།

དམུ་དགེ་བཀྲ་ཤིས་འཁོར་ལོའི་དགོན་ནི་རྗེ་རིན་པོ་ཆེ་བློ་བཟང་གྲགས་པའི་དཔལ་དགུང་ལོ་ཞེ་གསུམ་ཡས་མས་ཤིག་གི་སྐབས་སུ། རྗེ་ཉིད་ཀྱི་ཐུགས་སྲས་སྔ་ཚལ་བཞིའི་ཡ་གྱལ་མཁན་ཆེན་ངག་དབང་གྲགས་པས་མདོ་སྨད་ཕྱོགས་སུ་དགོན་པ་བརྒྱ་དང་བརྒྱད་བཏབ་པའི་ཁྲོད་ཀྱི་གཅིག་ཡིན། རྗེ་རང་ཉིད་ཀྱི་ལུང་གིས་ཟིན་པའི་དགེ་ལུགས་དགོན་པ་ཞིག་ཡིན། དགོན་པ་འདིའི་འཆད་ཉན་བྱེད་ས་གཙོ་བོ་ནི། རྒྱལ་བ་ཐུབ་པའི་དབང་པོ་ནས་བརྒྱུད་པའི་མདོ་སྔགས་གཉིས་ཡིན། སྤྱིར་དགོན་པ་གང་མང་ཞིག་ལ་མདོ་ཕྱོགས་ཀྱི་མཚན་ཉིད་རིག་པ་སློབ་གཉེར་གྱི་ལྟེ་བར་འཛིན་པའི་མཚན་ཉིད་གྲྭ་ཚང་དང་། སྔགས་ཕྱོགས་རྒྱུད་སྡེ་བཞི་སོགས་སློབ་གཉེར་གྱི་ལྟེ་བར་འཛིན་པའི་རྒྱུད་གྲྭ་བཅས་དགོན་པ་གཅིག་ལ་གྲྭ་ཚང་གཉིས་རེ་ཡོད་མོད། དམུ་དགེ་དགོན་ལ་མཚོན་ན་དམིགས་བསལ་གྱིསམཚན་ཉིད་གྲྭ་ཚང་དང་རྒྱུད་གྲྭ་སོགས་ལོགས་སུ་མེད་པར་གཉིས་ཆ་ཟུང་འབྲེལ་གྱིས་སློབ་གཉེར་བྱེད་བཞིན་ཡོད།

དེའི་ཕྱིར་ཚོགས་དང་ཆོས་གྲྭ་ཧ་ཅང་ལྕི། སློབ་གཉེར་གྱི་ཡིག་ཆ་གཙོ་བོ་རྒྱ་གར་མཁས་པའི་གཞུང་གཙོས་པའི་རྗེ་ཡབ་སྲས་གསུམ་གྱི་ཡིག་ཆ་དང། རང་ལུགས་ཀུན་མཁྱེན་འཇམ་དབྱངས་བཞད་པའི་ཡིག་ཆ་སློབ་གཉེར་བྱེད་ས་གཙོ་བོ་ཡིན།

སྤྱིར་དགོན་པ་འདི་བཏབ་ནས་ལོ་དྲུག་བརྒྱ་ཡས་མས་ཤིག་འགོར་བཞིན་ཡོད་པས་བླ་བྲང་བཀྲཤིས་འཁྱིལ་ལས་ལོ་ངོ་བརྒྱ་ཕྲག་འགས་རྙིང་བ་ཡོད་ཀྱང་། གཞུག་ནས་ཀུན་མཁྱེན་འཁྱེན་འཇིགས་མེད་དབང་པོ་ཚང་ལ་དགོན་མགོ་ཕུལ། དེ་ནས་བཟུང་བླ་བྲང་བཀྲ་ཤིས་འཁྱིལ་གྱི་དགོན་ལག་ཏུ་གྱུར། དེའི་ཕྱིར་ཆོས་གྲྭ་མཚན་ཉིད་སློབ་གཉེར་གྱི་འགྲོ་སྟངས་བླ་བྲང་བཀྲ་ཤིས་འཁྱིལ་དང་གཙོ་ཆེར་མཚུངས།

འཛིན་གྲྭ་བཅུ་གསུམ་ཡོད།

བཀའ་རམས་རྣམ་གསུམ་སྟེ། བཀའ་རམས་འཛིན་གྲྭ། མཛོད་འཛིན་གྲྭ། དབུ་མ་གསར་རྙིང་གཉིས་བཅས་སོ།།

ཕར་ཕྱིན་འཛིན་གྲྭ་བཞི་སྟེ། ཕར་ཕྱིན་འཛིན་གྲྭ། སྐབས་དང་པོའི་འཛིན་གྲྭ། གཞུང་གོང་མའི་འཛིན་གྲྭ། གཞུང་སར་འཛིན་གྲྭ་བཅས་སོ།།

བློ་རྟགས་གཉིས། བློ་རིག་འཛིན་གྲྭ། རྟགས་རིགས་འཛིན་གྲྭ་བཅས་སོ།།

བསྡུས་གྲྭ་འཛིན་གྲྭ་གསུམ་སྟེ། བསྡུས་ཆེན་འཛིན་གྲྭ། ཁ་དོག་གོང་མའི་འཛིན་གྲྭ། ཁ་དོག་དཀར་དམར་འཛིན་གྲྭ་བཅས་སོ།།