མདུན་ངོས། • བཀའ་བསྟན། • མཚན་ཉིད། • སྒྲུབ་མཆོད། • གསུང་འབུམ། • ཆོས་འབྱུང་། • སྣ་ཚོགས།

འདིར་བཞུགས་པའི་ཆོས་འབྱུང་ཁག་གི་ངོ་སྤྲོད།

ཆོས་ལུགས་དང་གྲུབ་མཐའ་སོགས་རིས་སུ་མ་ཆད་པའི་ཆོས་འབྱུང་གསར་རྙིང་མ་འདྲ་བ་བརྒྱ་ལྷག་ཅིག་བཀོད་ཡོད།

དཔེ་ཀློག་སྒེའུ་ཁུང་ངོ་བཤུ་བྱ་ཚུལ།

iframe ཀྱི་ཨང་བརྡ། གཤམ་དུ་བཀོད་པའི་དཔེ་ཀློག་སྒེའུ་ཁུང་གི་ཨང་བརྡ་རྣམས་ངོ་བཤུ་བྱས་ཏེ་སྒེར་དང་ཚོགས་པའི་དྲ་ཚིགས་གང་གི་ནང་བླུག་ཀྱང་དཔེ་ཀློག་སྒེའུ་ཁུང་དེ་ཐད་ཀར་བཀོལ་ཐུབ་པ་ཡིན།

<iframe allowfullscreen src="https://library.bdrc.io/scripts/embed-iframe.html?work=bdr:W1ERI0027003&origin=website.com" width="100%" height="600"></iframe>

དགོན་པའི་སྒྲུབ་མཆོད་དང་ལྷ་སྲུང་སྐོར་གྱི་ངོ་སྤྲོད་མདོར་བསྡུས།

དམུ་དགེ་དགོན་པས་སྒྲུབ་མཆོད་ཆེ་ཆུང་གང་གི་སྐབས་སུ་ཡང་སྟོན་པ་ཐུབ་པའི་དབང་པོ་ནས་བརྒྱུད་པའི་རྒྱན་དྲུག་མཆོག་གཉིས་ཀྱིས་གཙོས་པའི་སྐྱེས་ཆེན་པཎ་གྲུབ་ཁག་དང་བཀའ་གདམས་ཀྱི་དགེ་བའི་བཤེས་གཉེན་རྣམས། རྗེ་བློ་བཟང་གྲགས་པའི་དཔལ་གཙོས་པའི་རིས་མེད་ཀྱི་སྐྱེས་ཆེན་རྣམས་དང་། ཡོངས་དགོས་སུ་༸རྒྱལ་བ་པན་ཆེན་རྣམ་གཉིས་དང་ཀུན་མཁྱེན་སྐུ་ཕྲེང་རིམ་བྱོན་སོགས་ཀྱི་བླ་རྒྱུད་གསོལ་འདེབས་རིགས་འདོན། ཡི་དམ་རྒྱུད་སྡེ་བཞི་ཡི་སྒྲུབ་མཆོད་ཡོད་མོད། དམིགས་བསལ་གྱིས་དགོས་པ་དང་རྟེན་འབྲེལ་གྱིས་དཔལ་གསང་བ་འདུས་པའི་བདག་འཇུག་བུམ་པ་དབང་དང་བཅས་པ་གྲྭ་ཚང་གཞུང་གིས་ཟླ་ཆོས་རེ་ལ་རེ་རེ་འཚོགས་བཞིན་ཡོད། ཡི་དམ་རྡོ་རྗེ་འཇིགས་བྱེད་དཔའ་བོ་གཅིག་པའི་ཆོ་ག་དང་དམ་ཅན་ཆོས་རྒྱལ་གྱི་ཆོ་ག་དྲུབ་ཅུ་བ་དང་བཅས་པ་ཉིན་རེར་ཆག་མེད་ཀྱིས་འདོན་བཞིན་ཡོད།

ཆོས་སྐྱོང་གི་སྐོར་། གཙོ་བོ་སྐྱེས་བུ་གསུམ་གྱི་ཆོས་སྐྱོང་། མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ་དང་དཔལ་ལྡན་ལྷ་མོ། དམ་ཅན་ཆོས་རྒྱལ། རྣམ་སྲས་རྟ་བདག་བརྒྱད། གནས་ཆང་་ཆོས་རྒྱལ་ཆེན་པོ། ཚངས་པ་དཀར་པོ་བཅས་ཡིན། མགོན་པོ་ཕྱག་དྲུགཔ་ནི་དགོན་པ་འདི་འི་དམིགས་བསལ་གྱིས་སྒྲུབ་མཆོད་དད་གུས་བྱེད། ཡུལ་མི་ཀུན་གྱིས་དམུ་དགེའི་མགོན་པོ་རང་བྱུང་ཞེས་འབོད། རྒྱུ་མཚན་རྗེ་རིན་པོ་ཆེས་ཁོང་གི་ཐུགས་སྲས་ཚ་ཁོ་ངག་དབང་གྲགས་པ་ལ་ཙནདན་གྱིས་བྱས་པའི་མགོན་ པོའི་སྐུ་བརྙན་ཞིག་གནང་ནས་འདི་དགོན་པ་དེའི་རྟེན་དུ་ཞོགས་དང་མ་འོངས་པར་བོད་ཁ་བ་ཅན་ན་སངས་རྒྱས་ཀྱི་བསྟན་པ་གནས་སའི་ཟོ་རྐུབ་ལྟ་བུ་ཞིག་ཡོང་གསུངས་ནས་ལུང་བསྟན་པ་རེད་ཅེས་དགོན་པའི་ཡིག་ཆ་་སོགས་ན་གསལ། དེའི་ཕྱིར་དགོན་པ་འདི་ཐོག་མར་བཏབ་པ་ནས་ད་བར་ཙན་དན་གྱི་མགོན་པོའི་སྐུ་བརྙན་དེ་དགོན་པའི་རྟེན་གྱི་གཙོ་བོ་བྱེད་བཞིན་ཡིན། རྨ་ཆུ་དང་མཛོད་དགེ། རྔ་བ། ཁྱུང་མཆུ། ཟུང་ཆུ། ཁྲོ་ཆུ་སོགས་ནས་ཡུལ་མི་ཧ་ཅང་མང་པོ་དམུ་དགེའི་མགོན་པོ་ལ་སྐབས་ཏུ་ཡོང་གི་ཡོད།

སྒྲུབ་མཆོད་ཀྱི་སྐོར།

• དཔལ་གསང་བ་འདུས་པའི་བདག་འཇུག བུམ་པ་དབང་བཅས་པ།

• དཔལ་རྡོ་རྗེ་འཇིགས་བྱེད་ལྷ་བཅུ་གསུམ་མ།

• དཔལ་རྡོ་རྗེ་འཇིགས་བྱེད་དཔའ་བོ་གཅིག་པ།

• མགོན་ཆོས་ཀྱི་སྐོང་གསོལ་དང་དེ་དག་གི་མཆོད་དབྱངས་བཅས་པ།

• ཀུན་རིག་རྣམ་པར་སྣང་མཛད་ཀྱི་དབང་།

• ཀུན་རིག་རྣམ་པར་སྣང་མཛད་ཀྱི་ཁྲུས་ཆོག

• རྡོ་རྗེ་མི་འཁྲུག་པའི་བདག་འཇུག

• བླ་མ་མཆོད་པ།

• རིག་བྱེད་མ།

• སྒྲོལ་མའི་མཎྜལ་བཞི་ཆོག

• རྟ་མགྲིན་སྐོང་གསོལ།

• སྒྲོལ་མའི་རླུང་རྟ།

• རྣམ་སྲས་གཡང་འགུག

• སྒྲོལ་མའི་གཡང་འགུག

• དགྲ་བླའི་རླུང་རྟ།

སྟོང་མཆོད་ཀྱི་སྐོར།

• རྗེ་སྟོང་མཆོད།

• སྨན་བླ་སྟོང་མཆོད།

• རྣམ་རྒྱལ་མའི་སྟོང་མཆོད།

• གནས་བརྟན་ཕྱག་མཆོད།

གདུང་མཆོད་ཀྱི་སྐོར།

• རྗེ་རིན་པོ་ཆེའི་གདུང་མཆོད།

• ཚ་ཁོ་ངག་དབང་གྲགས་པའི་གདུང་མཆོད།

• ཀུན་མཁྱེན་སྐུ་ཕྲེང་རིམ་བྱོན་གྱི་གདུང་མཆོད།

• རྗེ་དམུ་དགེ་བསམ་གཏན་གྱི་གདུང་མཆོད།